Anime Stars - أنمي ستارز
عزيزي آلزآئر

لـَاننآ نعشق آلتميز و آلمميزين يشرفنآ آنضمآمك معنآ في منتديات عالم الانمي

وحينمآ تقرر آن تبدآ مع منتدى عالم الانمي ينبغي عليك آن تبدآ كبيرآ .. فآلكل كبيرُُ هنآ . وحينمآ تقرر آن تبدآ في آلكتآبه ..

فتذكر آن منتدى يريدك مختلفآ .. تفكيرآ .. وثقآفةً .. وتذوقآ .. فآلجميع هنآ مختلفون ..

نحن ( نهذب ) آلمكآن ، حتى ( نرسم ) آلزمآن !!

|0|

لكي تستطيع آن تتحفنآ [ بمشآركآتك وموآضيعـك معنآ ].. آثبت توآجدك و كن من آلمميزين.

سجل معنا

=)


لعشق التميز و الإبداع .. [فن]
 
الرئيسيةالرئيسيةبحـثقوانين المنتدىالأعضاءمواقع صديقةاليوميةالتسجيلدخولس .و .جالمجموعات





شاطر | 
 

 [الدرس الأول] التنظيف .. احترف ترجمة المانغا مع Anime Stars

اذهب الى الأسفل 
كاتب الموضوعرسالة
Αиɪмє sταяs
المديره العامه
المديره العامه
avatar

انثى المكان : مكان ما انا قاعدة
عدد المساهمات : 871
الشكر : 10
تاريخ الانضمام : 19/05/2011
العمر : 21

مُساهمةموضوع: [الدرس الأول] التنظيف .. احترف ترجمة المانغا مع Anime Stars   7/24/2012, 3:44 am






كيفكم يا حلوين؟

اليوم جبتلكم الدرس الأول من دورة احتراف ترجمة المانغا




أول شي في 3 مراحل في تنظيف المانغا ،،

المرحلة الأولى : أسهل مرحلة
و هي تنظيف مربع المحادثة

أول شي بنبدأ بهالصورة




ممكن التنظيف هنا نسويه بطريقتين

بس أول شي نفتح الصورة حقتنا في الفوتوشوب
(اللي ما عنده فوتوشوب يحمله من هنا )





بعد ما فتحنا صورتنا بالفوتوشوب نتبع الخطوات التالية
1. ctrl a
تحديد الكل
2.
ctrl c
نسخ
3. ctrl n
فتح صفحة عمل جديدة بنفس مقاسات الصورة ،،

معلومة عن الفوتوشوب:


4.
ctrl v
لصق
5. نقفل الصورة الاصلية و نشغل على اللي سويناها في الخطوات السابقة

و نتبع هالخطوات الخمسة لما نشتغل بأي صفحة مانغا سواء كان تلوين او ترجمة ،،

نكمل درسنا ،،



نختار الأداة اللي فوق من صندوق الادوات أو نضغط على حرف (m) هو اختصار للاداة بيتخارها علة طول أول ما نضغط على هالحرف

بعدين بالاداة نقوم بتحديد الكلام اللي نبا نمسحه
و ممكن اللي عنده خبرة كافية يمسح بدون هذه الاداة ،،
فائدة هذه الأداة في اللي بنسويه انها بتمنع ان الفرشة تلون برا التحديد ،، يصير ما تخرب باقي الصورة



اخترنا الكلام حقنا اللي بنمسحه

نختار أداة الفرشة من صندوق الادوات أو نضغط على حرف الاختصار (b)

الحين نروح لصندوق الليرات



و نختار ثاني زر من اليمين تحت اللي جمب سلة الحذف
أو بدون ما نروح للصندوق ممكن باختصار نعمل كدا
shift + ctrl + n
يعمل هو طبقة جديدة لحاله
الطبقة الجديدة فايدتها غالبا تكون لو بنلون بدون تحديد ،، عشان لو حسيت
انك ما زبطت التنظيف بالفرشة تقدر تصلح شغلك بدون ما ترجع تعيد من البداية

نرجع للتنظيف
احنا اول اخترنا اداة الفرشة و التحديد موجود على الصورة و سوينا الطبقة الجديدة ،،
نختار قطر و نوع الفرشة اللي بنشتغل بها



رح يطلعلنها نافذة زي اللي فوق
نختار الفرشة اللي اخترتها فوق ،، و الرقم المحدد بالازرق فوق نغيره لـ 30 مثلاً
الحين
نلون على
الطبقة الجديدة
باللون الأبيض بس طبعاً


و هذي رح تكون النتيجة
الحين لازم نحفظ شغلنا
(ممكن تفوت هذي الخطوة لو انت بتترجم علطول)
لكن احنا بنسويها علشان نحفظ شغلنا و نكمل لما يجي درس الترجمة

عشان نحفظ شغلنا نروح لقائمة
file>save image as
أو نختصر هالمشوار و نضغط على
ctrl + alt + s
و رح يظهرلنا هالنافذة



و بتكون النتيجة كدا



المرحلة الثانية من التنظيف اصعب شوية من الأولى ،، بتكون على الكتابة اللي خلفيتها كانها منقطة
هادي هي صورتنا اللي بنشتغل عليها



بنختار أداة التحديد اللي اخترناها أول
أو نضغط حرف (m)
بعدين نحدد جزء من الجدار المنقط ما يكون عليه كتابة بعدين نسويله نسخ زي ما اتعلمنا فوق
ctrl + c
بعدين نسوي لصق زي ما اتعلمنا فوق برضو
ctrl + v
بعدين نختار سهم التحريك او نضغط على حرف (v)
بعدين نبدا نحرك الصورة اللي لصقناها لحد ما تغطي جزء من الكتابة بعدين نكرر حركة اللصق و نحرك الجزء الجديد اللي لصقناه لحد ما نغطي جزء ثاني من الصورة و كدا لحد ما نغطي الكتابة كاملة ،،

و تكون هذي هي النتيجة


تمام كيدا ،،
الحين عشان لا نتلخبط في شغلنا ندمج الطبقات و نضغط
ctrl + shift + e
و بتكون نتيجتنا كدا



بس عندنا االجزء اللي تحت في الجدار لسع عليه كتابة ،، مالعمل؟ !!
هنا يجي دور المرحلة الثالثة اللي هي انك تنظف الكتابة من على الوجه و الجسم و هكذا ..
و رح ننظف الكتابة بأداة الختم ،، نختار أداة الخسم أو نضغط على حرف (s)


الحين نركز شوية بهالخطوة عشان محتاجة تركيز عشان لا نحوس الصورة
عشان ننسخ جزء من الصورة و نلصقه على الكتابة (يكوون طبعا زي المكان اللي فيه الكتابة عشان لا يظهر المسح)
نضغط على alt و نستمر بالضغط على الزر بعدين نضغط بزر الماوس الايسر على مكان ما نريد نسخه
بعد ما ننسخ الجزء نسيب زر alt عشان نلصق الختم
و نلصق بالضغط بزر الماوس الايسر مكان ما نبغا الكتابة تتمسح ،،
تحذير: بعد اللصق لمرة أو مرتين نرجع ننسخ مرة ثانية بالختم عشان لا ترجع الصورة زي ما كانت و تخرب

النتيجة بتكون كدا



نحفظ عملنا زي الصورة اللي قبل هاذي
الحين بنشتغل هنا


(احنا مسحنا الكتابة اللي على الجدار أول الحين بنمسح الكتابة اللي على الخوذة)
و رح نمسحه برضو بالختم زي ما سوينا فوق
و بتكون النتيجة كدا



و نحفظها زي ما سوينا فوق و بتكون هذي هي النتيجة




يلا أبغاكم تطبقوا على هادي الصور



و بكدا يكون أخيــــــراً خلصنا درسنا ،،
معليش طويل شويتين بس هذا هو اللي بياخذ وقت في الترجمة ،، غير كدا ما يتاخذ أي وقت

و درسنا الجاي ان شاء الله بعد بكرآ
خليني ارتاح شوية
يلا يا حلوين ،،
أبا أشوف تطبيقاتكم في الموضوع الرسمي للتطبيقات و الاستفسارات الخاصة بالدرس الاول
هنا


موفقين
جآنآ









هههههههههههههههههههههههآآآآي آآآخيراً خلص هالترم الوصخ xDDD



عدل سابقا من قبل yυмɪ ταĸαиαsнɪ في 8/20/2012, 6:49 am عدل 3 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://anime-stars8.yoo7.com
Αиɪмє sταяs
المديره العامه
المديره العامه
avatar

انثى المكان : مكان ما انا قاعدة
عدد المساهمات : 871
الشكر : 10
تاريخ الانضمام : 19/05/2011
العمر : 21

مُساهمةموضوع: رد: [الدرس الأول] التنظيف .. احترف ترجمة المانغا مع Anime Stars   7/24/2012, 4:42 am




اللي يحب يحمل الدرس عنده و يطبق على راحته انا رفعته هنا

موفقين
جآنآ








هههههههههههههههههههههههآآآآي آآآخيراً خلص هالترم الوصخ xDDD

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://anime-stars8.yoo7.com
 
[الدرس الأول] التنظيف .. احترف ترجمة المانغا مع Anime Stars
الرجوع الى أعلى الصفحة 
صفحة 1 من اصل 1
 مواضيع مماثلة
-
» لِمَاذَا لاَ نَترُك الـAnime لأهـلـه ؟! "تـعـال نضع الحدود"
» One Piece 355 - 354 ] تقديم فريق [ Anime - Desert ]

صلاحيات هذا المنتدى:لاتستطيع الرد على المواضيع في هذا المنتدى
Anime Stars - أنمي ستارز :: -[ أكاديمية أنمي ستارز لترجمة الأنمي ]- :: مَدُرٌسُة تًرِجَمُة أُلَمُأَنِغّأُ-
انتقل الى: